ფსიქოლოგიის უმნიშვნელოვანესი მიმართულება. იგი შეისწავლის მხატვრული შემოქმედების ფსიქოლოგიურ მექანიზმსა და პიროვნების თავისებურებების გამოვლენას ხელოვნების ნაწარმოების შექმნისა და მისი აღქმის პროცესში.ხელოვნების ფსიქოლოგიის ტრადიციულ პრობლემებად მისი სხვადასხვა სახეები - ლიტერატურა, მუსიკა, კინოხელოვნება, თეატრი, არქიტექტურა და სხვ. გვევლინება, მისი არსებობის ყველა ეტაპზე, დაწყებული ჩანაფიქრიდან ნაწარმოების შექმნამდე და მისი აღქმის და შეფასების პროცესამდე.
ხელოვნების ფსიქოლოგია მიზნად ისახავს იკვლიოს მხატვრული სახის წარმოქმნის, გამოცდილების, შთაბეჭდილების გადამუშავების, შემოქმედებითი წარმოსახვისა და გააზრების ფსიქოლოგიური მდგომარეობების პრობლემები, ასევე პიროვნების აქტიურობისა და მისი მიმართულების, მხატვრული უნარებისა და ტალანტის პრობლემები, აგრეთვე განიხილავს პერსონოლოგიის (პერსონოლოგია - მოძღვრება პიროვნების ფსიქოლოგიურ თავისებურებებზე) საკითხებს ლიტერატურასთან მიმართებაში. მისი მიზანია ისიც, რომ იკვლიოს აღქმის ფსიქოლოგიური მექანიზმები მხატვრული ნაწარმოების სტრუქტურის ადეკვატურად, მხატვრული უნარების ფორმირება, მხატვრული გემოვნების ჩამოყალიბება, ხელოვნებასთან დაკავშირებული ესთეტიკური საკითხები, რასაც უდიდესი მნიშვნელობა ენიჭება ლიტერატურულ ნაწარმოებში. აღნიშნულ საკითხთან დაკავშირებით უაღრესად ორიგინალური მიდგომა შემოგვთავაზა ცნობილმა ფსიქოლოგმა ლ. ვიგოტსკიმ, რომელსაც ხელოვნების ფსიქოლოგიაში მნიშვნელოვნად მიაჩნია ადამიანთა ესთეტიკური რეაქციის ფსიქოლოგიური მექანიზმის პრობლემა. მისი აზრით, ეს ესთეტიკური რეაქცია პროგრამირდება თვით მხატვრული ნაწარმოების სტრუქტურით.
No comments:
Post a Comment